Dumengia bun'ura a las 06:25 ha la Polizia chantunala dal Grischun survegnì l'annunzia da l'incendi en il quartier d'industria a Maiavilla. Ils pumpiers dal Signuradi, Landquart e Bad Ragaz han dumagnà da vegnir sut controlla cun il fieu ed èn stads en acziun cun radund 80 persunas. Per segirar las persunas da salvament è er stà en acziun in'equipa d'ambulanza dal salvament Cuira. Ultra da quai èn er la Polizia chantunala da Son Gagl ed in spezialist da l'Uffizi da natira ed ambients stads al lieu.
Halla da producziun e vehichels pertutgads
Tar l'incendi è la halla da producziun vegnida destruida ed in vehichel è vegnì destruì cumplainamain. Ulteriurs vehichels da collavuraturs han anc pudì vegnir mess en segirezza, han dentant mussà donns pli pitschens.
Ils donns muntan ad almain in milliun francs. Spezialists da la Polizia chantunala grischuna examineschan las raschuns per l'incendi.