Siglir tar il cuntegn

Ulteriur Grischun Maiensässfahrt: Til cun spezialitads da Cuira

Il dialect da Cuira, la parada da schlagher, il rosoli e la vopna da la citad. Quai e bler auter han ils scolars da Cuira preschentà en il cortegi tradiziunal suenter la «Maiensässfahrt».

La damaun baud a las set èsi ì liber: 3’000 scolaras e scolars da las scolas da Cuira han gì la «Maiensässfahrt». Els èn ids cun lur scolast e scolastas a culm. Quai di è stà sut in motto spezial: protecziun encunter il sulegl. La Lia grischuna encunter cancer ha mussà als uffants, co ch'ins sa protegia endretg encunter il sulegl.

Highlight: til cun costums

La saira è alura stà in grond cortegi cun tut ils uffants atras la citad da Cuira. Quest onn eran ils uffants costumads tenor il motto «Churer Spezialitäten».

Plain colurs ed en differentas furmas han els mussà lur costums sut enzainas sco la vopna da la citad, il dialect da Cuira u il museum d'art. Mintga trais onns fan ils uffants il cortegi en costums tenor in motto spezial.

«Mora isch schualfrei!»

Al la fin dal cortegi èn tut las scolaras e tut ils scolars sa rimnads sin la Quaderwiese per chantar la chanzun dal mises e la chanzun da la citad. Finì ha la «Maiensässfahrt» 2016 cun l'annunzia la pli bella per tuts uffants: «Mora isch schualfrai!»