La mesemna saira hai dà a Malans ina collisiun tranter in auto ed in uffant. Il buob è sa blessà. Sco quai che la polizia chantunala communitgescha, era in automobilist da 47 onns sin via da Landquart en direcziun Malans. Tuttenina saja il buob da 4 onns siglì en la via da Malans. Malgrà che l'automobilist ha franà immediat ha el tutgà l'uffant. Persunas ch'eran datiers hajan tgirà l'uffant blessà ed il bab.
In'ambulanza ha transportà el en l'Ospital chantunal a Cuira. La polizia sclerescha l'accident.