Paola Giovanoli Calcagno da la PS è la nova commembra da suprastanza da la vischnanca da Malans. En il segund scrutini è ella vegnida elegida cun 442 vuschs. Ses cuntercandidat senza partida, Nikolaus Schmid ha fatg 213 vuschs.
Plinavant ha il suveran da Malans concedì in credit da 3,3 milliuns francs per sanar l'Escherhaus ed adattar la chasa da scola.
En il rom da la revisiun totala da la constituziun communala han ils da Malans prendì pliras decisiuns da principi: Numnadamain d'introducir elecziuns e votaziuns a l'urna e da betg dar il dretg da vuschar a persunas da l'exteriur.