Malans po preschentar il 2017 cifras nairas

La vischnanca da Malans quinta cun in surpli da passa in mez milliun per il proxim onn. Plinavant vulan els laschar il pe da taglia sco fin uss.

Center da Malans. Bild in Lightbox öffnen.

Legenda da maletgs: Malans quinta il 2017 cun in quint positiv. RTR, S. Derungs

Ier saira ha la radunanza communala approvà unanimain il preventiv 2017. Quel quinta tar expensas da var diesch milliuns francs cun in surpli da passa in mez milliun. E l'onn che vegn prevesa Malans d'investir netto bunamain 2,7 milliuns francs. Il cash-flow budgetà munta a bunamain 700'000 francs.

Las pli grondas investiziuns èn previssas per il remplazzament da l'implant da pumpadi da l'aua sutterrana, in nov concept da ICT per la scola, la conservaziun da la ruina da chastè Wynegg (segunda etappa), ina sanaziun da via ed ina modernisaziun sin led en las immobiglias d'administraziun (segunda etappa).

Plinavant han ils da Malans decidì da laschar il pe da taglia sin 80 pertschient da la taglia chantunala simpla.

RR novitads 10:00