La vischnanca da Malans augmenta il pensum dal president communal sin 80%. La radunanza communala ha la gievgia saira adattà la lescha da persunal en quest senn. La midada va en vigur a partir da la proxima perioda d’uffizi il zercladur da l’auter onn.
Ulteriuras decisiuns
Tranter auter è er vegnì decidì che Julia Neugebauer daventa nova commebra dal cussegl da scola e remplazza uschia Manuel Barandun ch'è dapi l'entschatta avust manader da scola a Malans. Vinavant duai l'uffizi responsabel per il mantegniment da vias e plazzas, il provediment d'aua (Werkamt) vegnir manà vinavant independentamain.