Siglir tar il cuntegn

Ulteriur Grischun Manischunz fui suenter ina collisiun

A Cuira sin la via da la Caserna hai dà ina collisiun frontala tranter ina camiunetta ed in camiun-cisterna il glindesdi suentermezdi. Il manischunz da la camiunetta è sortì da ses vehichel e currì davent, communitgescha la polizia da la citad.

Tavla d'accident.
Legenda: Suenter esser collidà cun sia camiunetta cun in camiun-cisterna è il manischunz fugì. Keystone

Ella tschertga ussa perditgas. L'um ch'è fugì è da statura magra, ha chavels curts blonds, ina giacca cotschna e porta in sacados grisch-verd. Entras l'accident pudess la persuna avair ina blessura al chau. Persunas che pon far indicziuns èn supplitgadas da s'annunziar tar la polizia.

RR novitads 20:00