Suenter ch'il Manor ha surpiglià dal café Merz la segunda auzada dal restaurant ed ha engrondì là sia partiziun d'electronica, avra el uss sin las duas auzadas sisum in nov restaurant. Quel porscha 280 plazzas, 2 terrassas, è in restaurant da self-service e metta pais sin products regiunals.
Avunda plaz per 2 restaurants
Clar ch'ins saja ina concurrenza dal Merz che sa chatta sut il medem tetg, di Mario Tomaschett, il directur dal Manor Cuira. El haja dentant il sentiment ch'il Manor attiria in'autra clientella ch'il Merz. En pli hajan ins ina buna relaziun in cun l'auter, e la famiglia Merz haja era savì dals plans da fabritgar in restaurant.
Manor Wiesental nov cun Jumbo
Tar il Manor Wiesental stattan actualmain profils, ed en il spazi vit nua che la butia da mobiglias Fly era pli baud, ha il Manor drizzà en in outlet. L'onn proxim u il pli tard il 2018 vul il Manor lura fabritgar enturn l'entir bajetg. Da nov sa chasa lura in Jumbo en il bajetg. L'Athleticum, l’orticultura e la butia da mangiativas dal Manor restan dentant.