Enavos là, nua che tut ha cumenzà
Per in pèr emnas intensivas enavos a Cuira: Maria Riccarda Wesseling exercitescha il mument a Cuira per l’opera «Die Weise von Lieber und Tod der Cornets Christoph Rilke».
Cuira è era il lieu nua che la via musicala da la chantadura d’operas ha cumenzà. Sin il plaz da l’Arcas ha ella chantà cun 12 onns l’emprima giada en in teater.
Dapi lura è ella daventada ina chantadura d’operas da renum. Ella ha gudagnà divers impurtants premis da musica ed è stada sin bleras da las grondas tribunas da l’Europa.
Enavos là, nua ch’ils paucs enconuschan ella
Da las tribunas grondas sin la tribuna pitschna a Cuira. Dentant spezial è quai tuttina per la chantadura da passar si a Cuira. En il public vegnan bleras fatschas da pli baud ad esser preschentas.
Ma sche Maria Riccarda Wesseling spassegia tras la citad da Cuira, enconuschan paucs ella. Era sch’ella è oz in star en il mund da l’opera. Ma quai na saja per ella betg impurtant. Pli impurtant èsi per ella simplamain da pudair giudair il curt ed intensiv temp a Cuira.
La premiera da l’opera è ils 21 da matg en il teater da Cuira. Sper Maria Riccarda Wesseling è era l’actura grischuna Ursina Hartmann sin tribuna.
TR Telesguard 17:40