Siglir tar il cuntegn

Header

audio
Mezdi: Davosa etappa dal marsch per il clima
Or da Actualitad dals 21.01.2020.
laschar ir. Durada: 03:04 minutas.
cuntegn

Marsch per il clima La davosa etappa – Claustra fin Tavau

Enturn las 11:30 èn ils radund 600 demonstrants partì per la davosa etappa da Claustra fin Tavau. Ils blers prendan las sendas da viagiar, intgins il tren e tgisà, sche inqual prenda tuttina la via principala malgrà che quai è scumandà.

Sco che la pledadra da medias Payal Parekh di, sajan enturn 500 demonstrants s’annunziads per star sur notg, tranter auter a Claustra. Oz spetgia ella che anc radund 100 persunas dapli vegnian vitiers per la davosa etappa.

Ina gruppa fitg ruassaivla

Ils 600 demonstrants, dumber inditgà dals organisaturs, èn sa rimnads sin la plazza avant l'hotel Silvretta a Claustra. Fin che tuts eran là, han els stuì spetgar circa 20 minutas. Malgrà la massa glieud sin in mantun era l’atmosfera fitg ruassaivla. Ils demonstrants discurrivan in cun l’auter, avevan legher, ma nagin che sbragiva enturn u fascheva randals.

«In per van forsa schon sin la via principala» – Payal Parekh

L’organisatura savess s'imaginar ch’intgins van tuttina sin la via principala ch'è scumandada per demonstrar. Ma ils blers han prendì la via legala sur las sendas da viagiar ed intgins che na levan betg ir sin la naiv, prendian il tren fin Tavau Laret e suondian lura puspè la gruppa che avess d’arrivar a Tavau enturn las 13:00.

A las 15:00 è lura la demonstraziun a Tavau ensemen cun la Juso.

RTR actualitad 12:00

Artitgels legids il pli savens

Scrollar a sanestra Scrollar a dretga