Il politicher da la Partida socialdemocratica ch'era oriund da Sagogn ha represchentà il Grischun durant 20 onns en il Cussegl naziunal. Quai dal 1975 fin il 1995. Il 1986 ha el presidià la Chombra gronda.
Engaschi per la lingua e la cultura
Martin Bundi è stà in promotur dal Rumantsch. El è tranter auter stà president la Renania, l'associaziun linguistica per il rumantsch.
Durant prest 10 onns è Bundi er stà president da la Cumissiun federala dal Parc Naziunal Svizzer. E quasi uschè ditg ha el er presidià la Pro Senectute Grischun. Bundi ha plinavant perscrutà e publitgà davart l'istorgia dal Grischun ed il territori alpin retic.
Il 2013 è Bundi vegnì onurà cun il Premi grischun da cultura. Quai per sias lavurs multifaras sco istoricher, politicher cultural e per ses engaschi per il rumantsch.
Da Bumaun è Martin Bundi mort en la vegliadetgna da 87 onns.
Ord l'archiv:
RR novitads 15:00