Siglir tar il cuntegn

Header

cuntegn

Ulteriur Grischun Mattas fan politica

120 giuvnas tranter 13 e 16 onns èn sa radunadas la gievgia en il Cussegl grond a Cuira per far politica. Là ha gì lieu il segund Parlament da mattas ch'è vegnì organisà dal post da stab per egualitad da schanzas.

Las giuvnas han discutà il suentermezdi davart ils fugitivs minorens betg accumpagnads e davart las pussaivladads dal temps liber. Las discussiuns èn vegnidas manadas da la deputada Sandra Locher Benguerel ed d’ulteriurs menturs e menturas.

A la fin han las mattas stuì sa decider per in tema, elavurar quel e surdar la petiziun uffiziala al president dal Cussegl grond Vitus Dermont. Sco represchentant da la regenza è Martin Jäger da la partida. El ha cusseglià las giuvnas e dà resposta en cas da dumondas.

Il parlament da mattas duai dar a las giuvnas la pussaivladad da mirar davos las culissas dal mintgadi politic e da far gust ad ellas da s’engaschar politicamain en il futur.

Artitgels legids il pli savens