La chasa da medias Somedia metta ensemen las redacziuns e la producziun da la gasetta Südostschweiz e quella dad online. Tut ils collavuraturs dals dus chanals vegnian integrads en la nova organisaziun, ha communitgà la chasa da medias grischuna Somedia.
Cun la fusiun veglian ins simplifitgar ils process interns e nizzegiar meglier las sinergias. Plinavant veglian ins era far in pass vers l’avegnir cun fusiunar dus dals quatter chanals da medias.
Schefredactur dal nov chanal da medias per online e gasetta daventa Philipp Wyss, l'actual schefredactur da l'ediziun online. El vegn sustegnì da Stefanie Studer ed Olivier Berger sco remplazzants dal schefredactur. Omadus lavuran actualmain per la gasetta Südostschweiz.
Ord l'archiv:
Dacurt ha la Somedia er communitgà che Reto Furter daventia nov manader publicistic.
RTR novitads 15:00
