Siglir tar il cuntegn

Header

cuntegn

Ulteriur Grischun Memia pauc plaz per uffants pitschens

La citad da Cuira ha problems da metter a disposiziun avunda capacitads da tgira d'uffants cumplementara a la scola (canortas). Tranter auter vulan adina dapli famiglias far diever da la maisa da mezdi. La dumonda saja creschida per 14% sin 813 dumondas.

Suenter ch'il temp d'annunzia è sparì ils 15 da zercladur han ils servetschs socials da la citad registrà 341 annunzias d' uffants. Quest uffants hajan reservà 1'461 unitads da tgira. Sco quai che la citad communitgescha era quai l'onn passà anc 1'385 unitads.

Gentars era ordaifer

La citad da Cuira sto introducir soluziuns transitoricas. Singuls uffants ston ir a gentar en auters quartiers. La citad sclerescha er la pussaivladad da gentars accumpagnads en restaurants dal conturn da las scolas. Uschia s'augmentan natiralmain era ils custs da persunal.

RR novitads 11:30

Artitgels legids il pli savens