Sco raschun per questa decisiun han els numnà la pandemia da corona che na giaja betg a prà cun ina festa da talas dimensiuns. I na fiss betg pussaivel da realisar las mesiras da protecziun – ni per ils organisaturs ni per las uniuns involvidas.
La realisaziun da las mesiras da protecziun, mettan nus sco era las uniuns davant in pensum quasi betg schliabel. Ina festa dal pievel e corona na van simplamain betg a prà.
Er influenzà la decisiun haja la gronda malsegirezza da planisar ensemen cun il ristg finanzial augmentà, ch'ils organisaturs sco era las uniuns avessan stuì purtar.
Tenor ils organisaturs sustegnan ils sponsurs e la gronda part da las uniuns la decisiun dal comité d’organisaziun. Pervi da la pandemia da corona è gia la Festa da Cuira da quest onn vegnida annullada.
audio
Per tadlar curt e compact
ord RTR Audio dals 23.11.2020.
laschar ir. Durada: 4 minutas 16 Secundas.
