Siglir tar il cuntegn

Header

purtret da la via occupada cun stans da la Festa da Cuira.
Legenda: Da quests purtrets na vegni er proxim onn betg a dar durant la stad. RTR, Selina Chistell
cuntegn

Mesiras betg realisablas Nagina Festa da Cuira 2021

La Festa da Cuira n’ha betg lieu l’auter onn. Quai han communitgà ils organisaturs da l’occurrenza tradiziunala.

Sco raschun per questa decisiun han els numnà la pandemia da corona che na giaja betg a prà cun ina festa da talas dimensiuns. I na fiss betg pussaivel da realisar las mesiras da protecziun – ni per ils organisaturs ni per las uniuns involvidas.

La realisaziun da las mesiras da protecziun, mettan nus sco era las uniuns davant in pensum quasi betg schliabel. Ina festa dal pievel e corona na van simplamain betg a prà.
Autur: Andrea Thür-SuterPresident dal comité d'organisaziun

Er influenzà la decisiun haja la gronda malsegirezza da planisar ensemen cun il ristg finanzial augmentà, ch'ils organisaturs sco era las uniuns avessan stuì purtar.

Tenor ils organisaturs sustegnan ils sponsurs e la gronda part da las uniuns la decisiun dal comité d’organisaziun. Pervi da la pandemia da corona è gia la Festa da Cuira da quest onn vegnida annullada.

RTR novitads 17:00

Artitgels legids il pli savens

Scrollar a sanestra Scrollar a dretga