Siglir tar il cuntegn

Header

A Cuira ha ars in camiun mardi saira - ins vesa co il fieu donnegia er ina chabina da spetga dal bus
Legenda: A Cuira ha ars in camiun mardi saira pocha
cuntegn

Ulteriur Grischun Mess fieu cun intenziun en in camiun a Cuira

La polizia chantunala ha arrestà in um sut il suspect d'incendiament. Mardi saira era in camiun ars ora dal tuttafatg sin il parcadi davant la Halla da la citad da Cuira.

Cur che pumpiers, equipa da salvament e polizia èn arrivads mardi saira, curt suenter las 23:00 uras sin il parcadi da la Halla da la citad da Cuira, brischava la cabina dal manischunz dal camiun gia dal tuttafatg. Ils pumpiers han gì svelt sut controlla il fieu e tuttina è il camiun ars dal tut. La chasina da spetga dal bus ch'è gist dasperas è medemamain vegnida donnegiada.

Incendiament supponì

Tenor emprimas enconuschientschas quinta la polizia chantunala ch'in um da 31 onn haja dà fieu al camiun. El è vegnì arrestà e la procura publica e la polizia chantunala han avert in'inquisiziun cunter el pervi da quest suspect.

pocha/sc