Siglir tar il cuntegn

Header

cuntegn

Ulteriur Grischun Midada al timun da las pendicularas Claustra-Madrisa

Ils interprendiders e commembers dal cussegl d'administraziun Roger Kunz da Tavau e Thomas Steinmann da Claustra remplazzan il gestiunari Peter Baetschi en la direcziun operativa. Els auzan er lur part d'aczias e tegnan da nov 40% dal chapital, han communitgà las pendicularas.

Var 25 milliuns francs ha ina gruppa d'investiders investì ils ultims onns en las pendicularas da Claustra. Tranter auter en ina sutgera moderna da sis persunas. Las expensas autas han chaschunà che la pendiculara ha problems finanzials. Tar entradas da 7,8 milliuns francs ha la pendiculara stuì nudar l'onn passà in deficit da 900'000 francs.

Gronda part dals daivets è davent

La gruppa d'investiders porscha uss agid a las pendicularas. Ella amortisescha in daivet da 6,8 milliuns francs tar la Banca chantunala, en il rom da la sanaziun finanziala. Il cussegl d'administraziun va da quai ora ch'i na duess betg pli dr ulteriurs deficits operativs. Vi da la posiziun da Madrisa sco territori da famiglias vegnia vinavant midà nagut.

RR novitads 17:00

Artitgels legids il pli savens