Siglir tar il cuntegn

Header

audio
Saira: Clima – Il scepticher Anton Steffen
Or da Actualitad dals 26.09.2019.
abspielen. Laufzeit 04:32 Minuten.
cuntegn

Midada dal clima «Il carstgaun na sa betg decider davart il clima»

Per l'anteriur deputà dal Cussegl grond dal chantun da Lucerna, Anton Franz Steffen, èsi cler ch'il carstgaun n'ha nagina influenza sin la midada dal clima actuala. A Cuira ha el preschentà ses arguments.

Radund 70 persunas èn stadas la mesemna saira a Cuira per tadlar il referat da l'inschignier d'ambient Anton Franz Steffen. Ina persuna che represchenta in'autra opiniun ch'ils blers scienziads.

  • El na crai betg en la midada dal clima pervia dal carstgaun.
  • El crai ch'i vegnia fatg tema a la populaziun
  • El na tegna betg bler dals rapports dal Cussegl mundial dal clima

Durant in'ura ha Anton Franz Steffen referì davart la midada dal clima. El na snega betg ch'i dat ina midada dal clima, dentant betg pervia dal carstgaun.

Grondas midadas da temperaturas hai adina puspè da ils ultims millis onns.
Autur: Anton Franz Steffeninschignier d'ambient

Publicum cun differentas opiniuns

Il publicum ha tedlà cun attenziun il referat da Anton Franz Steffen. Plinavant han ils preschents er pudì far dumondas a l'anteriur politicher da la PCD.

Betg tut ils preschents èn stads suenter il referat da la medema opiniun.

  • «El ha raquintà tut da moda fitg persvadenta. El ha mussà ch'ins na sto betg crair mintga slogan.»
  • «Jau na sai betg entschaiver bler cun quest referat. Per part èn sias interpretaziuns stadas pulit dubiusas.»

RR actualitad 17:30