Siglir tar il cuntegn
Inhalt

Ulteriur Grischun Midament en il cussegl communal Cuira – Gartmann-Albin sa retira

La dumengia è Tina Gartmann-Albin vegnida confermada cun in fitg bun resultat en il Cussegl grond – uss sa retira ella dal cussegl communal da Cuira. Quai scriva il Bündner Tagblatt.

Portrait.
Legenda: Dapli temp per il Cussegl grond – la deputada Tina Gartmann-Albin (PS). RTR, Michel Decurtins

La deputada da la Partida socialdemocratica PS vul metter prioritadse sa retira suenter avair politisà novs onns en il parlament da Cuira. Tina Gartmann-Albin veglia avair avunda spazi per surpigliar las novas sfidas che spetgian ha ella ditg al Bündner Tagblatt. Tina Gartmann-Albin è actualmain vicepresidenta dal Cussegl grond e po uschia surpigliar sco proxima il presidi.

Tgi che succeda l'avust che vegn a Tina Gartmann-Albin en il cussegl communal da Cuira n'ha la PS anc betg decis.

Il parlament da Cuira ha uschia da desister quest onn dad ina segunda persuna prominenta. Il mars aveva già annunzià Dominik Infanger (PLD) da vulair demissiunar en la sessiun dal zercladur.

RR novitads 08:00