Siglir tar il cuntegn

Ulteriur Grischun Midar chasa vegn pli simpel

Midadas da chasa pon vegnir annunziadas a partir d'immediat er en il Grischun independentamain da las uras d'avertura dal spurtegl sur l'internet.

Persuna che mida chasa.
Legenda: Midar chasa duai er en il Grischun vegnir pli simpel. Keystone

Actualmain è quai be pussibel en las duas vischnancas da pilot da Cuira e da Landquart. Sco quai ch'il chantun communitgescha, fan Cuira e Landquart part al project coordinà sin plaun naziunal «eMidadaCH». Quel permetta d'annunziar la midada da chasa sur l'internet ed uschia er ordaifer il temp d'avertura dal spurtegl. Tenor la regenza grischuna è il project da pilot fin uss stà in success.

Ils proxims mais duain successivamain er autras vischnancas grischunas pudair porscher quest servetsch. La decisiun, sche e cura che «eMidadaCH» vegn introducida, è chaussa da las vischnancas.

RR novitads 10:00