Siglir tar il cuntegn
Inhalt

Ulteriur Grischun MINT-Camp duai carmalar novs emprendists en las firmas

Forsa èn ils uffants che han dastgà fufragnar durant il MINT-Camp tar la firma Trumpf a Grüsch ils emprendists dal futur.

Gruppa da uffants, davos amez ils organisaturs Urs Michel dalla Trumpf e Lilian Ladner dalla PHGR.
Legenda: Urs Michel da la firma Trumpf e Lilian Ladner da la PHGR (davos amez) han organisà ensemen l'emna da project. RTR, Anna Selina Quinter

Dapi tschintg onns datti gia ils MINT-Camps. La firma Trumpf a Grüsch è sa participada a quest project per la quarta giada. Durant ils camps vegnan ils uffants sensibilisads per ils roms matematica, informatica, scienza natirala e tecnica. A partir dals 15 enfin ils 19 d'october han ils uffants dastgà guardar davos las culissas da la firma Trumpf a Grüsch.

Nus vivain en in mund tecnologic. Perquai èsi impurtant da preparar ils uffants sin quai. Quai stat a cor a nus.
Autur: Lilian Ladnerresponabla scolaziun fundamentala a la Scola auta da pedagogia dal GR e manadra da project MINT-camps GR

Impurtanta purschida era per las firmas

Ils MINT-Camps na sajan betg be impurtants per ils uffants, mabain era per las firmas che porschan tals camps. Sper la firma Trumpf a Grüsch, è era la EMS-Chemie involvada. Per las fatschentas saja central da pudair fascinar ils uffants per ils roms da MINT. Els speran ch'ils uffants turnan forsa in di a far in fufragnadi. Uschia sappian els segirar la proxima generaziun d'emprendists.

Nus duvrain ina buna e motivada generaziun giuvna. Quai munta che nus stuain entschaiver baud e nizzegiar l'interess dals uffants.
Autur: Urs Michelresponsabel per scolaziun tar la firma Trumpf

RR actualitad 07:00