Ulteriur Grischun
-
Mintga 4. uffant da 4 onns na discurra betg bain tudestg a Cuira
Mintga quart uffant da 4 onns a Cuira na discurra betg bain avunda tudestg per ademplir las pretensiuns da la scolina e da la scola.
Da la retschertga fatga tranter famiglias cun uffants da l'annada 2011 resulta era che la situaziun linguistica dals uffants a Cuira è zunt differenta. Mintga sesavel uffant discurra a chasa ina lingua estra e n'ha praticamain nagin contact cun il tudestg.
Mo la mesadad dals uffants discurra spirantamain tudestg. Stgars in terz è biling e 4% discurran 3 linguas.
RR novitads 17:00
La retschertga
Ils servetschs socials da la citad da Cuira han fatg la retschertga, e la laschà evaluar da l'Universitad da Basilea. Il schaner han tut las famiglias cun in uffant da l'annada 2011 survegnì il questiunari. 97% da las famiglias han respundì. Total èsi 268 uffants.
