Siglir tar il cuntegn

Header

video
Museum Kirchner Tavau
Or da RTR dals 16.02.2016.
laschar ir. Durada: 54 Secundas.
cuntegn

Ulteriur Grischun Mintga ovra d’art ha sia istorgia - ma tgenina?

Art spoglià è in trist chapitel en l’istorgia d’art. Cunzunt durant la secunda guerra mundiala en bleras ovras d’art vegnidas enguladas ni vegnidas vendidas sut squitsch als naziunalsocialists per pretschs sut la valita da las ovras.

Adina puspè datti novs cas da maletgs, che vegnan chattads sin la fiera d’art ni ch’èn en possess da persunas privatas, che vegnan alura declerads sco art spoglia. Ord quai motiv ha la Confederaziun decis a l’entschatta dal onn da metter a disposiziun 2 milliuns francs per examinaziuns en ils museums en Svizra. Quest sustegn ha la Confederaziun fixà en la missiva da cultura per ils onns 2016 enfin 2020.

Er per ils museums el Grischun è art spoglià in tema

audio
Saira: co verifitgescha il museum Kirchner a Tavau sias ovras?
ord Actualitad dals 16.02.2016.
laschar ir. Durada: 3 minutas 39 Secundas.

«Mintga maletg ha sia istorgia, ch’ins sto l’emprim scuvrir», uschia Thorsten Sadowsky, il directur dal museum Kirchner a Tavau. Sche gie che la gronda part da la collecziun saja dal direct relasch dal artist e da sia famiglia, ston e vulan ins uss tuttina retschertgar tar mintga ovra sia derivanza.

Ina da questas ovras é il maletg «Alpleben» da l’onn 1919 mussads en il video. Quest maletg é vegnì cumprà dal medi da Ernst Ludwig Kirchner ed pli tard vegnids vendids vinavant pliras giadas. Alura è l’ovra puspè vegnida schanegiada al museum a Tavau. Pia questa ovra d’art n’ha nagin connex cun art spoglià.

Ma betg tar tut las ovras è la derivanza clera

Tar tut las ovras n’hajan ins anc betg pudì perscrutar la derivanza, ma quai saja en planisaziun, ha ditg Thorsten Sadowsky. Sch’ins chattass propi art spoglia, alura stuessan questas ovras vegnir restituidas als possessurs legitims u a ses descendents.

Artitgels legids il pli savens