Siglir tar il cuntegn

Header

Navigaziun

Legenda: Guardar il video Miradur, anc adina in mastergn attractiv. Durada 02:49 minutas.
Or da Telesguard dals 28.02.2019.
cuntegn

Ulteriur Grischun Miradur, anc adina in mastergn attractiv

La fasa finala da l'emprendissadi stat davant porta. La societad grischuna dals impressaris porscha quests dis a Landquart in curs da preparaziun per ils examens per tut ils emprendists da miradurs. Ma datti anc avunda giuvens che sa decidan per quest mastergn?

Per il mument datti giuvens che fan l'emprendissadi da miradur. Tenor Andreas Felix, il manader da la Societad grischuna dals impressaris constructurs, han ins ils davos onns adina cuntanschì il dumber da var 50 miradurs ch’ins vul scolar mintg’onn en Grischun. Senza che las interpresas che scoleschan emprendists sa dattan fadia per gudagnar novs giuvens en la branscha na vai però betg.

A blers persvada il mastergn perquai ch’ins vesa mintga saira era tge ch’ins ha fatg.
Autur: Andreas Felixmanader Societad grischuna dals impressaris constructurs

La branscha da construcziun porscha era en avegnir perspectivas e lavur garantida per ils lavurants. Insatge ch’ils novs mastergns digitals na pon betg dar. E perquai sa chattan era en ils pli auts posts da la branscha da construcziun adina puspè da quels che han cumenzà sco miradur. Lavurar cun mauns e maschinas, duvrar il chau ed ils musculs. Malgrà il temp digital resta miradur anc adina in mastergn attractiv.

TR Telesguard 17:40