Siglir tar il cuntegn

Header

video
Museum d'art: Exposiziun per il 90avel anniversari dad Erica Pedretti
Or da Telesguard dals 20.02.2020.
laschar ir
cuntegn

Museum d'art dal Grischun Erica Pedretti: L’entira vita per la creativitad

Erica Pedretti è enconuschenta sco scriptura. Dentant ha era l’art accumpagnà ella en sia vita. Il Museum d’art a Cuira metta a disposiziun ina plattafurma per preschentar sias ovras d’art.

«Aufgezeichnete Erinnerungen» ubain «Engste Heimat» èn be dus dals cudeschs enconuschents dad Erica Pedretti. Las ovras d’art da la dunna da 90 onns èn pauc enconuschentas. Il directur artistic Stephan Kunz ha vulì midar quai cun ina exposiziun. En quella cumparan 50 ovras d’art da gronda dimensiun e passa 100 dissegns.

Vita senza dimora fixa

Erica Pedretti è naschida 1930 en la Tschecoslovachia. Durant la segunda guerra mundiala è ella vegnida en Svizra ed ha fatg la scola professiunala a Turitg ed in emprendissadi d’argientera. Silsuenter ha ella lavurà blers onns en ils Stadis Unids avant che puspè turnar ad abitar pli tard a Schlarigna e Bienna. Tenor Stephan Kunz n'haja ella mai gì ina dimora propi fixa ed er quai duaja l’exposiziun mussar.

Nagins maletgs vid la paraid

Bleras da las ovras d’art pendan vid fils en il lieu d’exposiziun. Tiers vegn ch’ellas èn fitg fragilas. Per raquintar auter sajan ins vegnì tar l’idea da exponer ils maletgs be sin maisas. Tras quai daventia l’entira exposiziun pli frestga e ludica.

Ord l'archiv:

video
Erica Pedretti, Cuntrasts dals 27.01.2008
Or da RTR dals 20.02.2020.
laschar ir

RTR actualitad 17:00