Siglir tar il cuntegn

Header

Navigaziun

Legenda: Tadlar il audio Bunura: Museum d'art dal Grischun preschenta art d'avant 1530. Durada 02:36 minutas.
02:36 min, Actualitad dals 15.04.2019.
cuntegn

Ulteriur Grischun Museum d'art Grischun celebrescha 100 onns cun art antic

En l'exposiziun speziala per l'anniversari dal museum mussan els mo art d'avant l'onn 1530. Objects originals na datti dentant betg da vesair.

Per realisar sia exposiziun da giubileum ha il Museum d'art dal Grischun rumì ora tut l'art en la Villa Planta. Da nov preschentan els là art grischun d'avant l'onn 1530. Els na preschentan dentant nagins tocs, mabain mo fotografias da l'art – en alv e nair, dentant en grondezza originala. Las fotografias mussan sper frescos da baselgias era cliniez, chaschas da lain u era figuras religiusas.

Legenda: Guardar il video Il Museum d’art regala a sasez fotografias da Florio Puenter. Durada 04:01 minutas.
Or da Cuntrasts dals 03.04.2019.

«Ina nova vista»

Ch'els preschentan fotografias empè dals objects sezs ha plirs motivs, uschia il co-directur dal museum Stephan Kunz. D'ina vart na fetschia betg senn da transportar entiras paraids da baselgias a Cuira. Vinavant possian els cun ina fotografia focussar pli ferm. Els possian per exempel mussar mo ina figura or d'in fresco entir – quai dettia era ina nova vista sin l'art.

RR actualitad 08:00