Ulteriur Grischun - Na a dapli segirezza en il center per requirents d’asil
La regenza grischuna refusa ina dumonda parlamentara che vuleva dapli segirezza ed ina tgira responsabla en il center minimal chantunal per requirents d'asil a Landquart.
La regenza vul cuntinuar cun sia strategia da dar alloschi als requirents d'asil tenor la fasa da la procedura. Quai vul dir che singuls requirents d'asil che na sa tegnan betg vi da las reglas pon vinavant era vegnir plazzads a Landquart. Là saja la segirezza per ils vischins dal center minimal dada, uschia la regenza. Ed il basegn per ina tgira dals requirents plazzads là na saja betg avant maun.
