Pervi da la blera naiv da l'ultim temp na dettia naginas capacitads persunalas pli da preparar la pista aifer las proximas trais emnas. Suenter che las cursas da l'onn passà eran er gia daventadas unfrendas da la blera naiv, han ils organisaturs decis da desister en l'avegnir da las cursas. La planisaziun saja memia malsegira, hai num vinavant.
Las cursas da chavals ad Arosa datti gia dapi il 1911. Ellas tutgan uschia tar las pli veglias en Svizra. L'uniun da las cursas ad Arosa duai dentant restar activa. Forsa ch'ins possia en avegnir vegnir activ en autras occurenzas, ha ditg la presidenta da l'uniun, Martina Luzi.
RR novitads 09:00