Siglir tar il cuntegn

Header

Navigaziun

Legenda: Tadlar il audio Saira: Nagins donns da schelira tar las vignas. Durada 01:17 minutas.
01:17 min, Actualitad dals 07.05.2019.
cuntegn

Ulteriur Grischun Nagins donns da schelira tar las vignas

Malgrà la temperaturas fraidas da las notgs passadas e per part schizunt prugina, n'hai dà nagins donns tar las vignas en il Signuradi.

Las temperaturas fraidas han laschà suar ils viticulturs en la regiun dal Signuradi. Las vignas han numnadamain gia chatschà e prugina po donnegiar ellas, uschia ch'i na crescha lura naginas ivas pli. Tenor il cumissari da viticultura dal Plantahof Hans Jüstrich èn ils viticulturs questa giada dentant vegnids davent cun in egl blau. El saja stà oz en damaun en la regiun per guardar, co la situaziun saja e n'haja pudì constatar nagins donns.

Differents viticulturs hajan mess ora chandailas per tegnair chaud lur vignas ed in u l'auter haja er envidà ellas. Donns haja quai dentant dà tar nagin, uschia Hans Jüstrich. Malgrà ch'igl aveva per part schizunt prugina. Tenor el saja ina da las raschuns persuenter ch'i n'haja betg dà donns er stà, ch'i saja stà sitg. Cura ch'ils chatschs èn sitgs, pon els numnadamain star ora pli fraidas temperaturas, che cura ch'els èn bletschs. La situaziun saja dentant en scadin cas stada critica, declera il cumissari da viticultura vinavant. Sch'i fiss stà be 1 fin 2 grads pli fraid, avess quai segiramain dà donns, è el persvas.

RR actualitad 17:00