-
Bild 1 von 4. Disla –. suenter la naiv è vegnì il sulegl. Bildquelle: RTR, Gion Duri Maissen.
-
Bild 2 von 4. La naiv na para betg da far gust a blers automobilists dad ir en viadi per las vias da Cuira. Bildquelle: RTR, Michel Decurtins.
-
Bild 3 von 4. A Cuira era il fargun gia en viadi sin la via da la staziun. Bildquelle: RTR, Isabelle Jaeger.
-
Bild 4 von 4. Intgins centimeters naiv haja er dà a Maiavilla. Bildquelle: RTR, Isabelle Jaeger.
En blers lieus en la vallada dal Rain èn las Grischunas ed ils Grischuns sa dasdads cun ina cuntrada da naiv davant fanestra – er sch'igl sa tracta plitost da centimeters sco da meters naiv crudada. A Cuira èn vegnids mesirads dus centimeters naiv, scriva l'agentura da novitads svizra SDA.
Il cunfin da naiv è glischnà sin 500 meters. En differents lieus bischavi en per l'avantmezdi. Las temperaturas en la regiun da Cuira èn tar 4 grads.
Previsiuns da l'aura
En Surselva vegn preditga questa dumengia aura strusch bletscha. La temperatura maximala è tar fin 3 grads en Surselva e 0 grads en l'Engiadin'Ota. Damaun e mardi datti magari sulegl, per part hai nivels spess.
La situaziun da traffic
Il pass da l'Alpsu è serrà per motivs da segirtad. Sin quasi tuttas vias en il Grischun èsi da far quint cun naiv, er sin l'autostrada.
RR novitads 06:00+