Nina Gansner-Hemmi è nova presidenta da Seewis

Nina Gansner-Hemmi è la nova presidenta da Seewis en il Partenz. Ella è l'emprima dunna en quest uffizi a Seewis.

La vischnanca da Seewis en il Partenz. Bild in Lightbox öffnen.

Legenda da maletgs: La vischnanca da Seewis en il Partenz. RTR, S. Derungs

Nina Gansner-Hemmi è la successura dal Stefan Däscher ch'è stà dapi 2008 president ed avant commember da la suprastanza. La radunanza communala ha elegì Gansner-Hemmi cun 152 da totalmain 216 vuschs. Ses concurrent Robert Hartmann ha obtegnì 52 vuschs.

Plinavant han ils votants era approvà unanimamain il preventiv per l'onn 2018. Quel quinta cun in plus da bundant 4'000 francs tar entradas da radund 6'750'000 francs.

Il pe da taglia resta tar 110% da la taglia chantunala simpla.

RR novitads 10:00