Siglir tar il cuntegn

Ulteriur Grischun Norbert Joos è mort

L'alpinist encounschent da Cuira è sa disgrazià dumengia al Bernina.

Alpinist.
Legenda: L'alpinist Norbert Joos il 1995 cun ina fotografia dal Himalaya. Keystone

Cun descender dal sulet piz da 4’000 meters en il Grischun è el crudà ensemen cun dus giasts al fil da la Spalla. Ils giasts han survivì cun grevas blessuras. Joos percunter è mort. Quai scriva il «Bündner Tagblatt» sa referind sin la famiglia da l'alpinist da 55 onns.

Legenda: Guardar il video «Joos e Gujan returnan da tura da cunfin enturn chantun Grischun». Durada 2:14 minutas.
Dals 02.09.2005.

Joos tutgava tar ils alpinists grischuns cun il pli grond success. Sin champ internaziunal è el vegnì enconuschent sco alpinist d'autezza. Norbert Joos ha tranter auter ascendì 13 dals 14 pizs dad 8'000 meters dal mund – e quai adina senza oxigen artifizial.

La polizia chantunala tschertga perditgas davart l'andament da l'accident. Persunas ch'eran enturn las 14:00 uras en vischinanza dal fil da la Spalla ed han observà l'accident èn supplitgadas da s'annunziar tar il post da polizia a Poschiavo.

RR novitads 06:00