Siglir tar il cuntegn
cuntegn

Ulteriur Grischun Nov directur è optimistic da pudair far glischar l’ov dad aur

Stefan Michael Post, il nov directur dal hotel da luxus Intercontinental a Tavau, è optimistics per l’avegnir. El n’è betg mo fitg cuntent cun ils pass che vegnan ussa instradads, mabain era co la destinaziun Tavau ha retschavì els.

Il directur dal Intercontinental a Tavau, Stefan Michael Post.
Legenda: Il directur dal Intercontinental a Tavau, Stefan Michael Post. MAD

In grond cumpliment datti dal directur era per ses lavurers. «Jau sun extrem cuntent co il team s’etablescha a Tavau e ch’el porta enavant l’hotel cun blera premura ed engaschament.»

La procedura da concurs da veglia possessura, la Stilli Park SA è terminada. Differents crediturs han dentant stuì renunziar sin lur raps: tut en tut sin 1,1 milliuns francs. La pli gronda sperdita ha la vischnanca da Tavau fatg. Insatge ch’era Stefan Michael Post deplorescha. «Quai è natiralmain ina situaziun malempernaivla per tuts. Nus guardain dentant tuts da far il meglier pussibel per che Tavau, la destinaziun Tavau e l’hotel possian guardar cun optimissem en l’avegnir.»