Siglir tar il cuntegn

Header

cuntegn

Ulteriur Grischun Nov schefmedi a Valens

Roman Gonzenbach è il nov schefmedi dal center da reabilitaziun da Valens. Roman Gonzenbach remplazza Jürg Kesselring sco schefmedi dal center da reabilitaziun da Valens.

Kesselring è stà engaschà 30 onns per las clinicas da Valens. El vala sco corifea en la reabilitaziun neurologica. Sco senior expert ed ambassadur vegnia el vinavant a star fidaivel al center, communitgeschan las clinicas da Valens.

Il nov schefmedi Roman Gonzenbach ha 40 onns e deriva da Son Gagl. El è stà substitut dal schefmedi en la Clinica Schulthess ed è dapi l'atun 2015 medi principal per la neurologia a Valens. Gonzenbach mettia tenor communicaziun grond pais sin la perscrutaziun. Ina da sias finamiras saja, che pazients cun impediments dal tscharvè possian viver cun uschè paucas restricziuns sco pussibel.

RR novitads 11:00

Artitgels legids il pli savens