Siglir tar il cuntegn

Ulteriur Grischun Nov trassé per la punt da son Luzi

Suenter avair examinà detagliadamain differentas variantas ha la regenza decidì da stritgar il project d'exposiziun «Colliaziun traversala punt da son Luzi» da l'onn 2008. Questa punt avess gì in'autezza da 135 meters e fiss vegnida 465 meters lunga.

Visualisaziun d'ina punt sur Cuira
Legenda: Visualisaziun dal project dal 2008 per la punt da son Luzi a Cuira. MAD

Plirs abitants avevan fatg recurs cunter il project da la punt ch'avess traversà la Plessur en la part sid da la citad da Cuira. Ed els avevan survegnì raschun avant il Tribunal federal, sco la chanzlia chantunala scriva.

Perquai che quest project uss bandunà fascheva part dal program chantunal da construcziun 2017-2020, po il chantun iniziar gia quest onn plirs pass necessaris per in nov project.

RR novitads 09:00