Nova partiziun per clinica autalpina

La clinica autalpina a Tavau vul il proxim temp engrondir l’engaschament ed ha planisà d’avrir il settember la nova partiziun da reabilitaziun da pazients cun problems dal cor. La partiziun vegn manada en stretga cooperaziun cun l’ospital da Tavau e cun l’ospital chantunal a Cuira.

tavla d'entrada da la clinica autalpina a Tavau Bild in Lightbox öffnen.

Legenda da maletgs: La clinica autalpina avra ina reabilitaziun per pazients dal cor. RTR

Uschia vul la clinica garantir la purschida medicinala cumpletta. Offrì vegnan concepts da tractaments sin mesira. Manegiada è la reabilitaziun suenter infarcts dal cor, operaziuns vid il cor, intervenziuns da catheter sco era malsognas u flaivlezzas da la musculatura dal cor.

Il 2013 èra la clinica autalpina en problems finanzials e curt avant in bancrut. Joseph Rohrer ch’è era president dal cussegl d’administraziun da l'Inselspital a Berna, ha alura sanà la clinica autalpina a Tavau e concentrà ella sin novs segments.

RR novitads 12:00