Siglir tar il cuntegn
cuntegn

Ulteriur Grischun Nova professura per la HTW a Cuira

La regenza ha incumbensà la HTW d'installar dal 2019 fin il 2024 ina professura extraordinaria per analisar datas, visualisaziun e simulaziun (DAViS), quai scriva ella en ina communicaziun.

Foto dal bajetg da la HTW a Cuira.
Legenda: La HTW a Cuira daventa a partir dal schaner center da cumpetenza per datas, visualisaziun e simulaziun. MAD

En quest sectur ha la scol'auta sviluppà ensemen cun auters instituts in concept per in tal center. Per la durada dal project metta il chantun a disposiziun 3,6 milliuns francs. Il Cussegl grond sto anc approvar la summa ch'è en il preventiv.

Professura en il champ da «computational science»

«Computational science» cumplettescha las metodas da perscrutaziun tradiziunalas cun agid da simulaziuns da computer e da l'analisa da grondas quantitads da datas. Ina finamira è ch'il center planisà daventia in motor per las stentas da digitalisaziun en il chantun.

RR novitads 09:00