Siglir tar il cuntegn

Header

L'Outlet a Landquart.
Legenda: La dumonda da la vendita da la dumengia è anc adina pendenta. Keystone
cuntegn

Ulteriur Grischun Novas vistas, vegls problems en il Outlet a Landquart

L‘Outlet a Landquart ha a partir da quest onn cun Mathias Bommer in nov schef. El succeda a Claudio Poltera ch'ha visà ses post il fanadur. Quest midament dal directori era ina decisiun dal nov proprietari la gruppa britannica VIA che ha cumprà l'Outlet a Landquart per 86 milliuns francs.

Il proprietari nov da l’Outlet a Landquart ha vulì ina midada ed ha uss tscherni in nov schef. Mathias Bommer surpiglia ses post da Claudio Poltera. Bommer è oriund da la Svizra orientala ed ha cumenzà sia carriera en la branscha da confecziun dad umens. Ils ultims 10 onns è el stà maina gestiun en differentas firmas da la branscha da textilias.

Visà il contract cun la gruppa austriaca ROS

Er visà il contract ha la gruppa britannica VIA cun la gruppa ROS da l’Austria ch’era fin qua responsabla per la gestiun dal Outlet. Uss vul il proprietari nov savess far la gestiun dal Outlet a Landquart.

Nova cooperaziun dal Outlet Landquart cun la Heidiland Tourismus

El medem mument ha la Outlet Landquart annunzià in partenadi cun la Heidiland Tourismus SA. Ils dus partenaris vulan cooperar surtut tar il marketing. La finamira da la cooperaziun è da rinforzar il lieu da turissem Landquart e da far pli conuschent il vitg da cumpra Outlet en Svizra ed en l’exteriur.

Dumonda da vendita da dumengia anc averta

Averta resta vinavant la dumonda da la vendita da la dumengia. La dumonda è il mument anc adina pendenta tar il secretariat statal d’economia SECO.

RR novitads 15:00

Artitgels legids il pli savens

Scrollar a sanestra Scrollar a dretga