ll november saja stà zunt sitg en il Grischun, il Tessin ed il Vallais, quai communitgescha il servetsch Meteonews. Ad Andeer ed a Scuol, sco er al Grond Son Bernard en il Vallais na saja anc mai stà uschè sitg il november, dapi ch'els hajan cumenzà a mesirar.A Cuira, a Glion ed a Locarno hai tenor Meteonews dà per part damain ch'in liter plievgia per meter quadrat.
Savens hajan dominà las zonas da pressiun auta cun tschajera en la Bassa ed aura da belezza en ils auts. En la Bassa eri in fin dus grads pli chaud ch'en media ed en ils auts trais fin quatter grads.
Per mardi che vegn, il prim da december, spetgan ils meteorologs aura pli umida cun inqual floc da naiv. En ils culms pudessi dar 10 fin 20 cm naiv nova.
audio
Per tadlar: Las novitads da las 18:00
ord RTR Audio dals 28.11.2020.
laschar ir. Durada: 5 minutas 47 Secundas.