La notg a las 2.30 uras è l'ustier da la Slalom Bar dasdà pervi da canera da motor. Cura ch'el ha guardà ord fanestra era il pign d'avant la bar crudà sin in auto parcà ed era taglià en tocs. Dus umens giuvens èn fugids en in auto combi en direcziun Lai. Els han derschì il pign da 35 onns e 13 meters autezza cun ina resgia a motor. La polizia stima il donn a radund 12'000 francs e tschertga perditgas.
RR novitads 12:00