Siglir tar il cuntegn
cuntegn

Ulteriur Grischun Occupar tut ils stans è tut auter che simpel

54 differents stans chattan ins quest'onn a la fiera da bambin a Cuera. Blers expositurs èn da quels da tschep. Igl è dentant mintg'onn puspè ina sfida d'occupar tut ils stans.

Tut ils plazs da fiera sajan occupads di Marco Kohler, il manader da la fiera da bambin a Cuira. D'occupar tut las plazzas saja dentant tut auter che simpel, declera el.

Els sajan cuntents d'avair blers expositurs da tschep. Perquai saja dentant er impurtant da tegnair in bun contact cun questas persunas.

Sch'il quint va si, decida savens l'aura

Marco Kohler sa regorda anc bain vi da la fiera da l'onn passà. I saja stà in onn difficil cun aura miserabla. Blers expositurs èn stads malcuntents cun la fiera. Critica hai dentant dà il 2017 era pervia da l'atmosfera da Nadal. Quella na saja betg propi avant maun, avevan plirs expositurs ditg.

Tenor Marco Kohler vegnia era quest onn l'aura a giugar la rolla principala. Optimal per ils expositurs saja bell'aura u sch'i naivia. Il mender saja sch'i plovia u sch'i buffia fitg.

RR actualitad 07:20