En total ha la Bus da Cuira SA transportà l'onn passà 9 milliuns persunas, quai en la regiun da Cuira ed en l'Engiadin'Ota. Bunamain in quart milliun passagiers han dà in resun ch'ins po directamain dar en il bus. 4 da 5 resuns sajan stads positiv, uschia scriva l'interpresa en ina communicaziun da medias.
En total han ils bus da l'interpresa fatg durant l'entir onn 3,3 milliuns kilometers ed avessen uschia circumdà 82 giadas il mund.
Test per il «bus da sgol»
Davent il 29 da zercladur 2018 porscha la Bus da Cuira SA er in viadi da Cuira a l'eroport da Turitg ed enavos, quai durant ch'i cursescha nagins trens sin quest tschancun. Tenor ils responsabels è quai ina purschida da test.
Da «Bus da Cuira SA» a la «Bus e service SA»
Sper l'emprova da test cun il «bus da sgol» mida l'interpresa era ses num. Las duas marcas «Chur Bus» ed «Engadin Bus» vegnan en il center, omaduas marcas stattan per lur regiun. I dat in nov num, geograficamain pli neutral: «Bus e service SA» e la nominaziun «dr Bus vu Chur» svanescha.
RR novitads 12:00