Siglir tar il cuntegn
cuntegn

Ulteriur Grischun Organisaziuns d'ambient cunter pistas en palì

Las uniuns per l’ambient na vulan betg la sutgera planisada en il territori da skis da – Grüsch-Danusa. Ellas han fatg recurs tar l’Uffizi federal da traffic.

carta geografica
Legenda: La nova sutgera (stritg blau) planisada sin il Furner Berg. Ils tatgs en verd èn cuntradas da palì. map.geo.admin.ch

Pro Natura, la fundaziun per la protecziun da la cuntrada ed il WWF èn cunter il schlargiament dal territori da skis. Quai ha ditg Anita Mazzetta dal WWF al schurnal regiunal Grischun dad SRF. Problematicas sajan en speziala las novas pistas che fissan en ina cuntrada da palì dad impurtanza naziunala.
Plinavant stopp’ins l’emprim anc adattar la planisaziun locala ed il plan directiv ha ditg Mazzetta. Senza quai na possian ins betg approvar la sutgera.

La nova sutgera da quatter è 500 meters lunga e duai carmalar dapli famiglias en il territori da skis. Vitiers duai dar dapli pistas blauas. Las pendicularas lavuran dapi il 2010 vid il project che custa radund 4 milliuns francs.

RR novitads 07:00