Siglir tar il cuntegn

Header

Schef da l'Ospital chantunal.
Legenda: Il schef da l'Ospital chantunal a Cuira Arnold Bachmann va anticipadamain en pensiun. RTR
cuntegn

Ospital chantunal Arnold Bachmann va anticipadamain en pensiun

Il schef da l’Ospital chantunal a Cuira, Arnold Bachmann, va anticipadamain en pensiun. Ils 30 da zercladur 2021 saja uffizialmain ses ultim di da lavur, citescha la «Südostschweiz» il schef da l’ospital ch’ha 61 onns. Oz sajan ils collavuraturs vegnids infurmads davart sia decisiun.

I saja il dretg mument da chalar. Tranter auter er perquai che plirs projects gronds – sco per exempel la construcziun da la clinica d’uffants e da l’emprima part dal nov bajetg principal – sajan terminads, uschia il CEO.

Tgi che succeda a Bachmann, n’è anc betg enconuschent. L’Ospital chantunal dal Grischun occupescha passa 2’300 emploiads.

Ord l'archiv

video
"Arnold Bachmann: «En duas fin trais emnas lavuran tuts puspè.»
Or da Telesguard dals 24.04.2020.
laschar ir

RTR novitads 22:00

Artitgels legids il pli savens

Scrollar a sanestra Scrollar a dretga