Siglir tar il cuntegn

Ulteriur Grischun Ospital Tavau dumonda per contribuziun a fond pers

L'Ospital da Tavau è en stretgas finanzialas – el dumonda perquai ina contribuziun a fond pers da 2 milliuns francs. Il Kleiner Landrat propona al parlament da Tavau da dir gea a la dumonda.

Purtret da l'Ospital Tavau.
Legenda: L'Ospital Tavau ha dumandà la vischnanca per in credit a fond pers da 2 milliuns francs. Keystone

Vegnì en questa situaziun è l'Ospital da Tavau suenter ch'el ha stuì pigliar si l'onn passà dus milliuns francs. Quels daners hai duvrà per reagir sin ina mancanza da liquiditad. Quai scriva la vischnanca da Tavau en ses messadi al parlament.

Uss sto l'ospital pajar enavos proximamain quella summa. Tenor il svilup da la fatschenta e da la planisaziun da liquiditad actuala, na po l'Ospital da Tavau betg pajar enavos ils daners ord atgna forza, hai num en il messadi. Pigliar si novs credits na schliass betg il problem da liquiditad.

Il parlament da Tavau tracta en duas emnas la dumonda da l'ospital.

RR novitads 12:00