Siglir tar il cuntegn

Header

cuntegn

Ulteriur Grischun Pajais dad urs ad Arosa - pro e contra

Ils 27 da november ha Arosa da votar per u cunter il midament da zona tar la staziun da mez da la pendiculara «Weisshorn». Din els gea, sche po il parc d’urs vegnir realisà. Ma tge arguments han ils iniziants e co guarda quai ora tar ils adversaris? Qua il pro e contra dal «pajais d’urs».

Trair turists e far insatge dal bun ad animals malduvrads

Il pli grond argument per il project è la protecziun d'animals. Ils 5 urs che chattassan ad Arosa in dachasa, èn tuts vegnids deliberads da la fundaziun «Vier Pfoten» or da cundiziuns miserablas. Ils blers dad els eran serrads en pitschnas chabgias e gnivan malduvrads sco urs dressads. En il parc pudessan quels sa recrear e sa normalisar.

audio
Mezdi: Pajais dad urs ad Arosa – pro e contra
ord Actualitad dals 14.11.2016.
laschar ir. Durada: 2 minutas 7 Secundas.

In auter argument è l’aspect turistic. Il parc pudess attrair mintg’onn enturn 100’000 giasts. Il turissem da stad pudess dimena survegnir anc dapli schlantsch.

Impurtant è anc che la vischnanca d'Arosa na vess da pajar nagut per il parc. Dals custs da quatter milliuns francs surpigliassan ina mitta dus fauturs, l’autra mitta la fundaziun «Vier Pfoten». Quels pajassan era ils custs da gestiun ed la renatiralisaziun dal parc, sche quel na vess betg success.

Ils uors impedissan animals indigens

Tenor la «Pro natira Grischun» piglia il parc davent la plazza per viver ad auters animals. Il parc protegia ils urs, ma impedescha ils animals indigens.

Il parc è vegnì planisà en ina zona da protecziun per l’aua. Ils urs pudessan cun lur excrements smerdar ils auals e las funtaunas en vischinanza.

RR actualitad 12:00

Artitgels legids il pli savens