Siglir tar il cuntegn

Header

Navigaziun

Accident da traffic.
Legenda: Grev accident da traffic cun töf chaschuna ina morta ed in grev blessà. mad
cuntegn

Panaduz Accident mortal sin l'autostrada A13

Dumengia suentermezdi hai dà sin l'autostrada A13 al tunnel Plazzas in grev accident da traffic cun töf. Ina cunmotociclista è morta, il manischunz da töf è sa blessà grevamain.

In motocilist da 57 onns charrava en direcziun Rehanau. Sco quai che la Polizia chantunala communitgescha è el curt avant il tunnel Plazzas vegnì sin il vial oppost. Ils motivs pertge, n'èn anc betg enconuschents. Sinaquai èsi vegnì tar ina collisiun cun in auto che charrava en direcziun sid. La dunna da 58 onns che seseva sin la moto è morta anc en il lieu d'accident. Il motociclist è sa blessà grev ed è vegnì transportà cun la Rega en il spital chantunal a Cuira.

Polizia tschertga perditgas

La via A13 era per bunamain trais uras serrada tranter Panaduz e Rothenbrunen/Giuvaulta. Il traffic è vegnì svià sur la via chantunala. Cunquai che las circumstanzas da l'accident n'èn anc betg scleridas dal tut tschertga la polizia perditgas.

RR novitads 20:00