Ulteriura scolina a Panaduz
La populaziun da Panaduz crescha gia daditg – uschia ha il dumber da scolars passà ils 400. Las quatter scolinas da Panaduz èn gia uss pli che plainas. Cun ils blers uffants da l'annada 2014 dovri ina ulteriura. Quella è planisada en il nov bajetg sper la scola Ruver cun ulteriuras stanzas da scola, sco era ina halla polivalenta che duai vegnir en dus onns. Panaduz ha pudì far questa investiziun da 17,8 milliuns francs per adattar l’infrastructura.
Problem da plaz a Landquart
La scola primara «Rüti» a Landquart spetga anc sin investiziuns. En l’entira vischnanca da Landquart èsi vegnì vitiers ils davos onns var 100 scolaras e scolars. La scola vegn perquai – sco era pervi da las prescripziuns da la nova lescha da scola cun pli pitschnas classas, integraziun, pedagogia curativa etc. - en las stretgas. Ella n’ha betg ina suletta stanza da memia – ella ha schizunt da bittar ora la gruppa da gieu, gia bittà ora la scola da musica u ha fatg permez stanzas. La vischnanca da Landquart vesa quels problems urgents e vul gidar cun containers – perquai che quai giaja pli spert ch'in nov bajetg da scola che duvrass mo per la planisaziun gia 5-10 onns.
Era sche l’augment da scolars saja ina sfida – tant Landquart sco era Panaduz èn cuntents, che la glieud vul viver en vischnanca.
TR telesguard 17:40