Siglir tar il cuntegn

Header

cuntegn

Panaduz Ulteriur record da fatschenta per la Hamilton

Bajetg da la Hamilton a Panaduz
Legenda: Keystone

L'interpresa Hamilton cun filialas a Panaduz e Domat ha annunzià in ulteriur record da fatschenta. L'onn da fatschenta 2019, ch'è ì a fin per l'interpresa la fin da november, haja Hamilton fatg in plus tar la svieuta da var 8%. En vista a la situaziun difficila dal martgà, sa mussa il directur Andreas Wieland fitg cuntent cun las cifras da fatschenta. Quai scriva la Hamilton, ch'è tranter auter activa en la tecnica medicinala. A Panaduz ed a Domat lavuran radund 1'250 persunas per la Hamilton.

Dus bajetgs novs

Sin l'areal Vial a Domat cumenza l'onn proxim la construcziun d'in nov magasin. Quai ha confermà il schef da la Hamilton Andreas Wieland a la gasetta «Südostschweiz». En planisaziun saja in'ulteriura halla da producziun a Vial.

RTR novitads 15:00