Siglir tar il cuntegn

Header

Dunnas en costum dad ils ans 60/70.
Legenda: Keystone
cuntegn

Parada da schlagher Schlagher e giuventetgna – in cuntrast?

Ils blers a la parada da schlagher da Cuira èn sur 30 ans. Tscha e là vesan ins in giuvenil, ma els n’èn betg blers. E mintgin dad els ha atgnas raschuns daco ch’el/ella va ni va betg a la festa.

«Schlagher n’è betg miu stil!»

Blers dils giuvenils che na van betg a la parada da schlaghers di, ch’il stil da musica saja nagut per els. Sche la parada fiss per exempel da musica ord ils charts lura fissan els immediat da la partida, han intgins agiuntà.

Auters han ditg che la parada saja plitost per geniturs e glieud ch’è carschida si cun quella cultura. Persuenter giajan ils giuvens gugent la saira da la parada da schlagher, en las discos a far festa.

«Festa, buns amis e schlagher – daco betg?»

Tuttina è i giuventetgna che va a la parada da schlagher. Ils blers dad els manegian dentant immediat ch’els giajan na betg preveda la musica. Far festa cun amis, reviver ils ans 60/70 e sa entupar cun autra glieud èn las raschuns numnadas il pli savens.

Vinavant manegian certs, cura ch’ins è a la parada saja l’atmosfera super e la musica gnanc pli uschè nauscha – sche betg perfin coola.

RR actualitad 17:15